Автор: Жаксы БАЛА | Категория: Ұрпаққа ұлағат | Просмотров: 4834
Печать

daulasu«Қанша кәллә болса сонша ой болады» дей ме, осы сөз рас-ау. «Дауласқан адамның екеуі де ақылсыз» деген тұжырыммен келісер болсақ, өмір сүрудің өзі оңтайланар еді. Себебі дауласқан адамдар соңыра келгенде екі бөлек дүниені айтып жатқаны белгілі болады. Бірі алманы домалақ дейді, ал бірі – қызыл дейді. Мұны түсінген екеу де ойлағысы келмей, тұжырымды шеткері итереді. Ал төмендегі мысал дауласудың еш керегі жоқ іс екенін тағы бір дәлелдей түспек…

«Мен!» деген философ данагөй ақсақалға келіпті. Оның ойы ақсақалды сөзбен жеңіп, ел алдындағы даңқын аспандату еді. Данагөй шал бірінші болып тіл қатыпты:
— Амансың ба, — деді ақсақал, – Сұрағыма жауап берші.
Қонақ іштей ой қуалап тына қалды, ақсақал сөзін жалғады.
— Түтінді құбыр ішіне түскен екі адамның бірінің беті күйе де, ал екіншісінің беті тап-таза. Қайсысы жуынуға барады?
Жас философтың екі көзі шарасынан шыға жаздады.
— Бұл мені жеңіп кетудің бір амалы ма?
Ақсақал үндемеді.
— Әрине, кімнің беті күйе болса, сол жуынуға барады да!
— Дұрыс емес. Ақылмен ойлап көр: беті күйе адам екіншісіне қарайды да, өз бетін де таза деп ойлайды. Ал беті таза адам серігінің беті лас болған соң, өзінің де бетін таза емес деп шешіп, жуынады.
— Мен мұны ойламадым. Қызық екен – мен логикалық қате жібердім! Тағы бір сынақтан өткізіңіз!
— Жарайды. Түтінді құбыр ішіне түскен екі адамның бірінің беті күйе де, ал екіншісінің беті құлан таза. Қайсысы жуынуға барады?
— Енді… Екеуі де жуынуға барады.
— Дұрыс емес. Екеуі де жуынуға бармайды. Ақылмен ойлап көр: беті күйе болған адам беті таза адамға қарайды да, өзінің де беті таза деп ойлап жуынуға бармаса, ал беті таза адам беті кір адамның жуынуға бармайтынын білген соң, ол да жуынбайды.
Жас философ састы да қалды.
— Сеніңізші, мен дұрыс жауабын табамын! Тағы да бір рет сұрақ қойыңызшы!
— Жарайды. Түтінді құбыр ішіне түскен екі адам…
— Ой, құдай-ай! Олардың ешқайсысы да бармайды!
— Дұрыс емес. Айтшы, екі адам да түтін құбырға түскен соң, қалайша біреуінің ғана беті күйе болады? Қалайша түсінбейсің? Бұл ойсыз сұрақ. Егер сен өміріңді осындай ойсыз сұрақтарға арнайтын болсаң, жауаптарың да ойсыз болмақ.

Пікірлер  

 
Меңдібай 29.08.2014 16:42
Құдайға мың шүкір!
Жауап беру | Негізге алып жауап беру |
 
 
Назира 02.09.2014 12:06
Аллам жар болсын барша мүсылман қауымға
Жауап беру | Негізге алып жауап беру |
 
 
Назира 02.09.2014 12:08
кешіріңіз қатемді
Жауап беру | Негізге алып жауап беру |
 
 
Сержан 07.03.2015 19:41
Міне қазыр осындай ақшаға сатып алған атақшылар да жоқ емес, атақ құмардар баршылық сияқты.
Жауап беру | Негізге алып жауап беру |
 
 
Тоғжан 09.04.2015 21:14
қандай кркмет оқиға, маған ұнады.
Жауап беру | Негізге алып жауап беру |
 
 
Багила 09.08.2016 10:44
өте жақсы оқиға екен.Алланың нұры жаусын!
Жауап беру | Негізге алып жауап беру |
 

Бізге жазылыңыз

Ғибратнама инстаграмда!

Соңғы пікірлер

Статистика

3303929
Бүгін
Кеше
Осы аптада
Осы айда
Өткен айда
Барлығы:
540
368
1314
1780
17911
3303929